‘పాక్’లో ఓ హత్య కేసులో నిందితుడి ఫొటోకు బదులు బాలీవుడ్ హీరో ఆమీర్ ఖాన్ ఫొటో!

ఓ హత్య కేసులో నిందితుడి ఫొటోకు బదులు బాలీవుడ్ అగ్రనటుడు ఆమీర్ ఖాన్ ఫొటోను పాకిస్థాన్ లోని ఛానెల్ ప్రసారం చేసింది. దీనిపై నెటిజన్లు మండిపడటంతో చేసిన తప్పును ఆ ఛానెల్ నిర్వాహకులు సరిదిద్దుకున్నారు. ఈ సంఘటనకు సంబంధించిన వివరాలు.. పాకిస్థాన్ లోని ముతాహిదా క్వామి మూవ్ మెంట్ (ఎంక్యూఎం) నేత ఆమీర్ ఖాన్. ఓ హత్య కేసులో ఆమీర్ ఖాన్ నిందితుడిగా ఉన్నాడు.

ఈ కేసుకు సంబంధించిన తీర్పు పదిహేడేళ్ల తర్వాత వెలువడింది. ఈ కేసులో ఆమీర్ ఖాన్ ని నిర్దోషిగా తేల్చుతూ కోర్టు తీర్పు ప్రకటించింది. ఈ వార్తను ప్రసారం చేసే సమయంలో సదరు ఛానెల్ ఎంక్యూఎం నేత ఆమీర్ ఖాన్ ఫొటోకు బదులుగా బాలీవుడ్ హీరో ఫొటోను ఉంచింది.ఈ ఛానెల్ చేసిన నిర్వాకంపై కొందరు నెటిజన్లు మండిపడగా, మరికొందరు సెటైర్లు విసిరారు.